«Փյունիկ» հիմնադրամը պաշտոնապես գրանցվել է 2008 թվականին, սակայն պիտի նշեմ, որ բարեգործական ծրագրերը կատարվում են սկսած 1998 թվականից: Սկզբում փոքր նյութական օգնություն էինք ցուցաբերում սփյուռքի հայկական կրթօջախներին: Հետզհետե, ընդլայնելով մեր բարեգործական գործունեությունը, հասկացանք, որ պետք է հիմնադրամը պաշտոնապես գրանցել դրա գործունեության շրջանակներն էլ ավելի ընդլայնելու նպատակով: Այժմ հիմնադրամը բարեգործական ծրագրեր է ծավալում Հայաստանի բոլոր մարզերում և Արցախում…

Մեր հիմնադրամի առաքելությունն ու նպատակը, կարծում եմ, արդեն իսկ արտացոլված է հիմնադրամի անվանման մեջ` մարդկային ռեսուրսների զարգացման հիմնադրամ: Մարդկային ռեսուրսները մեր աճող սերունդն ու մեր երիտասարդներն են, այսպես` մեր հիմնական նպատակն է նպաստել մեր ապագա սերնդի կրթությանն ու դաստիարակմանը, լուծել բոլոր տեսակի խնդրիները, որոնք խոչընդոտում են մեր սերնդի զարգացմանը:

Ընդհանրապես յուրաքանչյուր հասարակության մեջ պետությունը կամ կառավարությունը հասարակության բոլոր ծախսերը ամբողջովին հոգալ չի կարող, սա վերաբերում է նույնիսկ ամենազարգացած պետություններին…